Grazas á subvención tramitada polo goberno municipal, o parque conta cunha cuberta textil para protexer o espazo.

O orzamento do proxecto ascendeu a 51.203,14 euros. A axuda solicitada e acadada por parte do Concello de Trabada á Xunta de Galicia foi de 35.842,20 euros, mentres que o propio Concello de Trabada aportou 15.360,94 euros.

 

“Para fixar poboación no rural, temos que mellorar de forma continua os servizos e infraestruturas públicas, planificando desde o goberno municipal proxectos e solicitando axudas a tódalas administracións para así levar a cabo actuacións en todo o concello”, explica o alcalde de Trabada, Rubén García.

 

“Contamos desde o concello con novos proxectos e novas actuaciós programadas para os vindeiros meses en diferentes parroquias, mellorando as nosas instalacións e a rede de comunicación viaria”, engade.